Rikthehet ‘pinoku’, personazhi i njohur vjen në regjinë e Guillermo del Toro

Regjisori meksikan Guillermo del Toro prezantoi filmin e tij të ri “Pinoku” në festivalin e filmit në Londër, bashkë me disa prej aktorëve që u kanë dhënë zërin e tyre personazheve.

Filmi i animuar ka qenë një projekt i hershëm i regjisorit të njohur, që thotë se dëshironte të prodhonte një version të historisë që fliste për mosbindjen.

“Gjëja që mbaj mend më qartë është se sa e frikshme i dukej bota Pinokut. Doja të bëja një film ndryshe nga historia normale e Pinokut, që flet për bindjen. Doja të bëja një histori për mosbindjen, një histori ku nuk ju duhet të ndryshoni për t’u pëlqyer. Juve nuk duhet të ndryshoni për t’u konsideruar një qenie njerëzore sepse të gjithë jemi të tillë”- u shpreh regjisori Guillermo del Toro.

Filmi, i bazuar në novelën e shkrimtarit italian Carlo Collodi, do të shfaqet nga muaji dhjetor në platformën e njohur online, Netflix.

LEXONI GJITHASHTU: 

• Si po planifikon SHBA ta kthejë Ukrainën në furnizuesin nr. 1 të Europës me gaz?
• Fakte interesante rreth jetës që mund të mos i keni dëgjuar më parë