Rusi, 13 të vdekur pas rrëzimit të avionit luftarak në një ndërtesë banimi

Të paktën 13 persona kanë vdekur pasi një avion bombardues rus u rrëzua në një bllok apartamentesh në qytetin jugor rus të Yeysk, thonë zyrtarët.

Dy pilotët e avionit Su-34, në një fluturim stërvitor, u hodhën përpara se ai të godiste ndërtesën duke shkaktuar një zjarr të madh.

Ekipet e shpëtimit rishikuan numrin e viktimave pasi përfunduan kërkimin e tyre në rrënojat, tha ministria ruse e emergjencave. Në mesin e viktimave ishin edhe tre fëmijë.

Zyrtarët thanë se 68 u shpëtuan nga zjarri në bllokun 9-katësh.

Nëntëmbëdhjetë persona të plagosur po trajtohen pas aksidentit të së hënës në mbrëmje.

“Sipas një raporti nga pilotët, të cilët u larguan nga avioni, arsyeja e rrëzimit ishte një zjarr në një nga motorët gjatë ngritjes”, tha ministria ruse e mbrojtjes.

“Në pikën ku u rrëzua avioni Su-34, në oborrin e një blloku banimi, furnizimi me karburant i avionit mori flakë”, shtoi ai.

LEXONI GJITHASHTU:

• Der Spiegel: Inteligjenca gjermane paralajmëron për sulm bërthamor nga Rusia
• Zbulohet një dhomë tjetër torturash në Ukrainë