Importi i energjisë dhe karburanteve u rrit në 119 mld lekë

Defiçiti tregtar në grupin e mallrave minerale, karburante dhe energji elektrike në shtator të 2021 ishte 8 miliardë lekë.

Në shtator të këtij viti, balanca tregtare për të njëjtin grup malli është negative me më shumë se katër herë.

Sipas të dhënave të publikuara nga INSTAT për treguesit e tregtisë së jashtme, deri në shtator të këtij viti Shqipëria ka eksportuar minerale, karburante dhe energji elektrike në vlerën e 80 miliardë lekëve dhe ka importuar të njëjtat mallra në vlerën e 119 miliardë lekësh, një diferencë -39 mld lekë.

Në të njëjtën periudhë të vitit të kaluar, eksportet ishin në nivelin e 51 miliardë lekëve dhe importet 58.5 miliardëve.

Defiçiti total për nëntë muajt e parë të këtij viti është thelluar duke shkuar në mbi 2.8 miliardë euro, nga 2.6 miliardë që ishte në gusht.

LEXONI GJITHASHTU:

• Enkelejd Alibeaj mbledh grupin e PD
• PD me një kandidat në zgjedhjet vendore, Çollaku: E lehtë dhe e realizueshme
• VIDEO/ A do të bashkohet PD-ja? Paloka takim kokë më kokë me Bardhin