Taktikat për djegie të tokave nuk do t’a ndihmojnë Putinin, thotë Scholz

Kancelari gjerman, Olaf Scholz deklaroi se presidenti rus, Vladmir Putin është duke përdorur energjinë dhe krizën e urisë si armë, por ka dështuar që të thyejë unitetin e Perëndimit dhe nuk do të arrijë synimet e tij përmes taktikave për djegie të tokave.

Duke folur para Parlamentit gjerman, ai ka thënë se Gjermania e ka liruar veten nga varësia në gazin rus, mirëpo është duke punuar në uljen e çmimeve, përfshirë sigurimin e kontratave të reja për furnizim me gaz nga shtetet tjera, shkruan Reuters.

“Ne nuk do ta lëmë pa përgjigje përshkallëzimin e fundit të Moskës, taktikat e tokës së djegur nuk do t’i ndihmojnë Rusisë që të fitojë luftën. Ne vetëm do të vazhdojmë forcimin e unitetit dhe vendosmërinë e Ukrainës e të partnerëve të saj”, ka thënë Scholz para Parlamentit gjerman.

Ushtria ruse e ka dëmtuar rëndë infrastrukturën e energjisë në Ukrainë ditëve të fundit, duke nxitur autoritetet ukrainase që të vendosin kufizime në konsum të rrymës, për herë të parë prej nisjes së luftës.

Rusia, në anën tjetër, e ka mohuar se shënjestron civilët.

LEXONI GJITHASHTU

• Erdogan pranon ofertën e Putin: I gatshëm të ndërtoj një qendër gazi në Turqi
• Erdogan fillon zbatimin e marrëveshjes me Putinin për qendrën e gazit
• Shefi britanik i mbrojtjes: Retorika bërthamore e Putinit, e papërgjegjshme