Referendum në Turqi, Erdogan kërkon të ligjërojë të drejtën e mbajtjes së shallit

Presidenti turk Recep Tayyip Erdogan propozoi një votim në shkallë kombëtare për garantimin e të drejtës së grave për të mbajtur një shall koke në institucionet shtetërore, shkolla dhe universitete.

Debati mbi shallin islamik ka ngjallur tensione së fundmi në Turqi, teksa po afrojnë zgjedhjet presidenciale dhe ato parlamentare të 2023-shit.

“Për të lehtësuar tërësisht zemrat e bijave dhe motrave tona propozoj lirinë e shallit. Çfarë është ajo që propozoj? Le ta bëjmë garanci kushtetuese”, tha Recep Tayyip Erdogan, president i Turqisë.

Nëse nuk do të kalojë në Parlament si ligj, atëherë Erdogan planifikon të organizojë një referendum, ku do të përfshijë edhe një masë kundër komunitetit LGBT.

Me një shumicë myslimane, por edhe me laicizmin në Kushtetutën e saj, Turqia ishte për shumë kohë një vend ku mbajtja e vellos ishte e ndaluar në shërbimin publik, shkolla dhe universitete. Por kufizimet në fjalë u hoqën në 2013-n nga qeveria e Erdogan.

Presidenti turk shpesh herë e portretizon vetveten si një mbrojtës të myslimanëve nga elitat laike, duke sugjeruar se pa të, “përfitime” si heqja e kufizimeve të shallit do të viheshin në rrezik.

Por ndryshe nga vitet ’90, kur mbajtja e vellos shkaktoi debate të ashpra, këtë herë asnjë lëvizje politike nuk ka reaguar.

LEXONI GJITHASHTU:

• KiE dënon mbylljen e “Mehmet Akif”: Qeveria Rama i’u bind Erdoganit
• ‘Shamia’ ngre në këmbë Iranin, presidenti Raisi akuzon Perëndimin për hipokrizi