Deputeti ukrainas para Kuvendit: Kosova është Evropë

Deputeti ukrainas, Oleksiy Goncharenko deklaroi se Kosova është shtet i pavarur dhe se do të punojë për njohjen nga Ukraina.

Deklaratën, Goncharenko e dha gjatë fjalës së tij në Kuvendin e Kosovës këtë të enjte.

Ai nënvizoi se më 5 gusht ështe shprehur në Kuvendin e Ukrainës, që të njihet Kosova si shtet i pavarur.

“Unë mendoj që kjo duhet të bëhet sa më parë, sepse ju keni luftuar për lirinë e juaj, ju jeni një shtet i pavarur. Unë do të bëj çfarëdo që është në fuqinë time që t’ju ndihmoj me këtë. Dhe dua t’ju informoj se Kosova tani i ka edhe më të shumtë miqtë. Në parlamentin ukrainas kemi organizuar një kauzë për miqtë e Kosovës dhe unë kam nderin që të jem kryetari i kësaj kauze. Dhe mund të llogaritni në ne në çdo moment.

Dhe do të bëjmë çfarë do që është e mundur që t’ju ndihmojmë që të ecim kësaj rruge së bashku me ju. Edhe si anëtar të Parlamentit të Këshillit të Evropës, si zëvendës president i Komisionit për Refugjatët dhe Migrim në Këshillin e Evropës dua t’ju siguroj që unë aty do të bëj çfarëdo që është e mundur që të mbështes Kosovën për t’u bërë anëtare e Këshillit të Evropës me të drejta e plota sa më parë që është e mundur. Kosova është Evropa, unë besoj në këtë”, theksoi ai.

LEXONI GJITHASHTU

• Rakiç: Nëse konfiskohen automjetet e serbëve me targat KM, bllokojmë veriun
• ‘Po u digjen shtëpitë’, Osmani: Qytetarët po kërcënohen për targat
• Vuçiç mbledh sot Këshillin e Sigurisë Kombëtare, do diskutohet për Kosovën