Arrestohet biznesmeni maltez si implikuar në atentatin me bombë ndaj gazetares

Mbi biznesmenin e njohur në Maltë Yorgeb Fenech, rëndojnë akuzat për “komplot për vrasje” si dhe “pjesëmarrje në grup kriminal” pas arrestimit të tij gjatë së shtunës mbi rastin e gazetares Daphne Caruana Galizia.

Fenech i është përgjigjur akuzave duke thënë se është “i pafajshëm”.

Arrestimi i tij vjen pas një zvarritje të gjatë të hetimeve që nga tetori I 2017-s, pas vendosjes së eksplozivit në makinën e gazetares.

Lidhjet e biznesmenit me zyrtarët e lartë të shtetit e kanë çuar vendin drejt një krize politike, teksa disa ministra kanë dhënë dhe dorëheqjen.

Ministri i Turizmit dha dorëheqjen ndërsa Ministri i Ekonomisë u vetëpezullua në sajë të hetimeve.

Më herët u arrestua dhe Shefi i Kabinetit të kryeministri, por më pas është lënë i lirë.

Mijëra protestues kanë dalë në rrugë ditën e premte për të kërkuar dorëheqjen e  Kryeministrit. Muscat ka thënë se planifikon të japë dorëheqjen.

Zvarritja e hetimeve të vrasjes së gazetares ka ngritur pikëpyetje për gjendjen e shtetit ligjor në Maltë.

Të dielën, Ministri i Drejtësisë u shpreh se “ky krim do të dalë para ligjit” duke dashur të mbrojë shtetin ligjor në vend.

Ai tha se hetimet për vrasjen janë ende duke vazhduar.