Artan Lame tregon zonat në jug ku ka përfunduar regjistrimi fillestar për pronat

Drejtori i Përgjithshëm i Agjencisë Shtetërore të Kadastrës, Artan Lame deklaroi se ka përfunduar regjistrimi fillestar për pronat në disa zona bregdetare.

Në një intervistë për emisionin “Review” në Euronews Albania, Lame u shpreh se në këto regjistrime, mund të ketë raste kur dokumentet janë fallco.

“Regjistrimi fillestar në jug, ka mbaruar në Ilias, ka mbaruar në Gjilek, në Vuno fshat dhe po vazhdon në Vuno në pjesën e tokave. Ka mbaruar në dy blloqe në Dhërmi, sapo ka mbaruar në Palasë, ka mbaruar në Himarë kala, në zonën qytetare bashkë me kalanë, po punohet me Lukovën.

Padiskutim, në regjistrimet e bëra mund të ketë edhe nga këto fallco. Fallcot, nuk i heton kadastra, ai mund të ketë ardhur dhe thotë ja ku e kam AMPT, është në rregull. Nuk është faji i Kadastrës që ajo është regjistruar, mund të dalin edhe raste kur janë fallco, le t’i shikojmë”, theksoi ai.

Emisioni “Review” në Euronews Albania ka siguruar dokumentin në të cilin shihet se si ish-kreu i qarkut të Vlorës,  Anesti Dhimojani i ka dhënë familjes së tij, 12 mijë metra katrorë tokë në bregdet.

Tjetërsimin e pronës, Dhimojani e ka kryer teksa mbante këtë detyrë publike.

LEXONI GJITHASHTU

• Pronari akuzon Artan Lamen në Review: Hoqët ligjin për pronat kufitare që të vidhni
• Tjetërsimi i pronave në Himarë, Artan Lame: Prokuroria po i shkon me themel çështjes
• Ekskluzive | Si i dha ish-kreu i qarkut Vlorë 12 mijë m2 tokë familjes së tij