Pasojat e hakmarrjes ruse, çmimi i grurit u rrit pasi Kremlini refuzoi marrëveshjen

1 Nëntor 2022 | 19:18

Çmimet e grurit dhe misrit u rritën globalisht pasi Rusia njoftoi gjatë fundjavës se nuk mund të “garantonte më sigurinë” e anijeve civile të ngarkesave në Detin e Zi dhe do të tërhiqej nga një marrëveshje që krijonte një korridor detar humanitar atje.

Ekspertët janë të shqetësuar se prishja e kontratës mund të çojë në probleme të ardhshme dhe më pas një rritje edhe më të madhe të çmimeve.

Sipas informacioneve të fundit nga Kombet e Bashkuara, tre anije të ngarkuara me grurë janë larguar nga portet e Ukrainës që kur Rusia pezulloi pjesëmarrjen e saj në Iniciativën për Drithërat e Detit të Zi.

Në deklaratën e Qendrës Koordinuese për Iniciativën e Drithërave thuhet se anijet u larguan nga porti pas një marrëveshjeje të përbashkët ndërmjet delegacioneve të Ukrainës, Turqisë dhe OKB-së dhe se për këtë janë njoftuar anëtarët e delegacionit rus.

Të shtunën, Rusia njoftoi se po pezullonte pjesëmarrjen e saj në program për shkak të atyre që i karakterizoi si sulme ukrainase ndaj anijeve ushtarake dhe civile që ishin të përfshira në ruajtjen e sigurisë së korridorit humanitar.

Të dyja vendet përbëjnë pothuajse një të tretën e eksporteve globale të grurit dhe IRC tha se pasojat e një tërheqjeje mund të jenë “katastrofike” për vendet e varfra, disa prej të cilave tashmë po përballen me urinë.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026