Arrestohet edhe një tjetër person lidhur me dhunimin e 11-vjeçares në Kosovë

Autoritetet në Kosovë kanë arrestuar edhe një tjetër person nën dyshimin se ka kryer veprën penale “ndihmë” në rastin e dhunimit të 11-vjeçares 2 muaj më parë.

Prokuroria Themelore në Prishtinë ka bërë të ditur se personi në fjalë është ndaluar për 48 orë.

“Prokuroria Themelore në Prishtinë, njofton opinionin publik se në vazhdën e veprimeve intensive hetimore, me urdhër të Prokurorit të Shtetit ka ndaluar një person (madhor) në kohëzgjatje prej 48 orësh, nën dyshimin se i njëjti ka kryer veprën penale “Ndihmë”(në kryerjen e veprës penale të dhunimit), sipas KPRK-së, lidhur me rastin e 11-vjeçares, në qershor të vitit 2022”, thuhet në komunikatë për media.

Aty thuhet se Prokurori i Shtetit brenda afatit ligjor do të ushtrojë kërkesë për caktimin e masës së paraburgimit ndaj të pandehurit, në gjykatën kompetente.

5 persona abuzuan seksualisht ndaj një të miture, vetëm 11 vjeçe në Kosovë mbi 2 muaj më parë.

4 prej autorëve u vunë menjëherë në pranga, ndërsa pak ditë më vonë u arrestua personi i pestë i përfshirë në ngjarjen makabre.

LEXONI GJITHASHTU:

• 11-vjeçarja në Prishtinë u abuzua për më shumë se 1 vit, thotë ministri Sveçla
• 11-vjeçarja u përdhunua në një park lojërash, detaje nga ngjarja tronditëse