Tri viktima dhe 151 raste të reja me Covid-19 në vend

Ministria e Shëndetësisë ka përditësuar të dhënat e fundit mbi pandeminë e Covid-19. Sipas saj, në 24 orët e fundit janë evidentuar 151 raste të reja me coronavirus, ndërsa tre qytetarë kanë humbur jetën.

Aktualisht në dy spitalet Covid po marrin trajtim mjekësor 198 pacientë, 21 prej tyre ndodhen në terapi intensive dhe katër të tjerë janë të intubuar.

Shpërndarja gjeografike e rasteve aktive sipas qarqeve:
Tiranë 2074
Durrës 454
Shkodër 313
Lezhë 216
Elbasan 175
Korçë 143
Vlorë 136
Kukës 130
Fier 122
Berat 68
Dibër 34
Gjirokastër 36

Autoritetet shtetërore kanë kryer deri tani 68728 testime të dyshuara me Covid-19, ndërkaq 10406 prej tyre janë konfirmuar pozitivë. Për shkak të Covid-19 deri tani kanë humbur jetën 319 qytetarë.

Sipas të dhënave të Task-Forcës, qarku me i prekur në Shqipëri rezulton Tirana, i ndjekur nga Durrësi dhe Shkodra.

Ministria e Shëndetësisë ftoi qytetarët të tregojnë kujdes, të mbajnë maskë në ambientet e mbyllura, të ruajnë distancën të paktën me 1.5 metra si dhe të shmangin pjesëmarrjet në ceremonitë festive dhe ato mortore.

Gjithashtu, gjatë 24 orëve janë shëruar edhe 80 qytetarë duke e çuar numrin total të të shëruarve në 6186.

Lexoni gjithashtu: 

Rritja e numrit të rasteve me COVID-19, protesta në disa shtete evropiane

Spanjollët ndihen të alarmuar për situatën e pandemisë

BE propozon kritere të përbashkëta për lëvizjen e lirë