“Të vendoset tavan për PPP”, Sejko përcjell tre rekomandime për projektbuxhetin

Banka e Shqipërisë i përcolli tre rekomandime qeverisë në lidhje me projektbuxhetin për vitin e ardhshëm, që lidheshin me shpërndarjen e pagesës së detyrimeve përgjatë të gjithë vitit, transparencën e PPP-ve dhe rishikim të skemës së pensioneve dhe kontributeve shëndetësore.

Në lidhje me PPP-të, Guvernatori Gent Sejko tha para deputetëve të Komisionit të Ekonomisë se kërkohet më shumë transparencë në projektligjin e buxhetit, rritje të rolit të Ministrisë së Financave në shqyrtimin e projekteve dhe monitorimin e tyre dhe vendosjen e një niveli tavan për ligjor të vlerës së përgjithshme të tyre.

“Fuqizimin e rolit të Ministrisë së Financave  në shqyrtimin e projekteve dhe monitorimin e tyre, por sugjerojmë përfshirjen e tavaneve ligjore afatgjata mbi vlerën e përgjithshme të PPP.”- tha ai.

Banka e Shqipërisë vëren se përqendrimi i shpenzimeve dhe pagesave në tre muajt e vitit, një fenomen i përsëritur, ndikon negativisht në dy drejtime. 

 “Krijon luhatje të panevojshme në tregun e brendshëm financiar dhe redukton efektivitetin e shpenzimeve”.

Rekomandimi i fundit i Bankës së Shqipërisë është rishikimi periodik i skemës së pensioneve, asaj të sigurimeve shëndetësore dhe të skemave të tjera sociale, për të reflektuar plakjen e popullsisë.

LEXONI GJITHASHTU: 

• Rama në Tropojë: Opozita kërkon rrëmujë sepse janë zgjedhjet në maj
• Kokaina në Durrës, pronari i ‘BanaKing’ i dërgoi shkresë autoriteteve për kontroll