Bizneset, 1 orë mbyllur/ Shoqatat ankohen për gjobat, shpallin kërkesat për qeverinë

Një protestë simbolike me ulje qepenash për 1 orë, pritet të mbahet paraditen e së shtunës. Me këtë masë, bizneset e vogla i kërkojnë qeverisë të rishikojë politikat për ta.

Dyqanet në Tiranë ftohen të ulin qepenët paraditen e së shtunës. Thirrja vjen nga shoqata që mbron biznesin e vogël dhe të mesëm, për të kundërshtuar rritjen e kostove dhe paketën fiskale që rrit gjobat për tregtarët. 

‘Çmimi i naftës i vendosur nga qeveria është tërësisht abuziv. Është parashikuar ashpërsimi i gjobave nga dy deri në 3 herë”

Përmes kësaj proteste, drejtuesit e shoqatës i kërkojnë qeverisë të anulojë rritjen e gjobave, të mos rritë çmimin e energjisë dhe të përgjysmojë taksat e karburantit.

“Nëse qeveria nuk reflekton ne do të përshkallëzojmë veprimet tona, jo vetëm në Tiranë por në të gjithë Shqipërinë.

Shoqata thotë se hapja dhe mbajtja e një aktiviteti tregtar pas vitit 2020, kur ra pandemia është bërë e vështirë, pasi garancitë nga shteti kanë munguar ose kanë qenë të pakta.

LEXONI GJITHASHTU: 

• Aksident në Devoll, makina përplas 13-vjeçarin
• I hiqet licenca qendrës sociale ku u dhunua e moshuara në Pejë
• Kësti i kredive rritet, BSH s’përjashton rritjen e normës bazë të interesit