Zyrtarët gjermanë thirrje aktivistëve të klimës për protesta konstruktive

Zyrtarët gjermanë u bënë thirrje aktivistëve mjedisorë që të angazhohen në protesta konstruktive dhe të shmangin rrezikimin e jetës së njerëzve të tjerë.

Një debat i nxehtë mbi metodat e aktivistëve shpërtheu pasi ata bllokuan rrugët gjatë protestave të hënën dhe ngadalësuan një ekip të posaçëm shpëtimi që të arrinte një çikliste të plagosur në një aksident trafiku në Berlin, raportoi AP.

Disa media gjermane raportuan se protestuesit ishin fajtorë për vdekjen e gruas.

Aktivistët e mjedisit janë kritikuar gjithashtu për qëndrimin në një ekspozitë dinosauri, hedhjen e ushqimit mbi piktura të vlefshme dhe lyerjen me spërkatje të zyrave të partive politike.

Kancelari gjerman Olaf Scholz mbështet çdo angazhim demokratik, dhe kjo vlen edhe për protestat e klimës, u tha gazetarëve Wolfgang Bihner, zëdhënës i kancelarit gjerman.

“Por forma e protestës që po shohim tani, veçanërisht këtë javë, nuk është efektive apo konstruktive,” vuri në dukje ai.

LEXONI GJITHASHTU:

• Alarmi i OKB për klimën: Bota nuk po bën sa duhet kundër ngrohjes globale
• Shefi i OKB-së: Nëse klima nuk bëhet prioritet do të përballemi me katastrofë