Vetëvendosje kritikon qeverinë Hoti për marrëveshjen e Uashingtonit

Lëvizja Vetëvendosje kritikoi të martën qeverinë e Avdullah Hotit për marrëveshjen e nënshkruar në Uashington më 4 shtator.

Përmes një postimi në profilin zyrtar të Lëvizjes, Vetëvendosje thekson se qeveria e kryesuar nga Lidhja Demokratike e Kosovës qe zotuar se do të arrinte në Shtetet e Bashkuara të Amerikës njohjen e pavarësisë, mirëpo jo vetëm që nuk e arriti këtë, por sipas Vetëvendosjes nënshkroi “shumë dëme” karshi shtetit.

“Shkuan për njohjen [e pavarësisë] ndërkaq u pajtuan të mos angazhohen për anëtarësim në organizata ndërkombëtare për një vit, […] për ndarjen e liqenit të Ujmanit, […] u pajtuan për mini-Schengenin, […] u pajtuan për t’i dhënë qasje Serbisë në Adriatik, […] larguan emërtimin Republikë,” – shkroi në Facebook Lëvizja Vetëvendosje.

Sipas Vetëvendosjes qeveria e Avdullah Hotit solli nga marrëveshja e nënshkruar në Uashington “dëm, turp e rrezik” për Kosovën.

Lexoni gjithashtu:

Skënder Përteshi: E shoh ende larg ditën kur Serbia do të njohë Kosovën

Demhasaj: Vendosja e ambasadës së Kosovës në Jerusalem do pengojë njohjen nga shtete islamike

Veton Surroi në Ilva Now: Marrëveshja Kosovë-Serbi në Uashington ishte e varfër dhe jo historike

Vuçiç për Euronews Albania: Ambasada në Jerusalem, mbrojmë interesat e Serbisë. Përparime dialogu me Kosovën

Pikat kryesore të marrëveshjes Kosovë-Serbi, përfshijnë aspekte ekonomike dhe kufizime ndërkufitare