Kurti: Marrëveshja e Uashingtonit shkel Kushtetutën, nuk e ratifikojmë

Kryetari i Lëvizjes Vetëvendosje në Kosovë, Albin Kurti me anë të një postimi në Twitter shprehet se, Kosova nuk do ta ratifikojë marrëveshjen e nënshkruar në Shtëpinë e Bardhë me Serbinë.

Pasi e kritikoi hapur menjëherë pas nënshkrimit, Kurti tashmë shprehet plotësisht kundër kësaj marrëveshjeje, duke i dërguar një mesazh të qartë edhe për SHBA që patën rolin e ndërmjetësit.

“Ne nuk jemi të detyruar nga zotimet që bën kryeministri i paligjshëm i Kosovës kur të kthehemi në detyrë. Nënshkrimi i tij poshtë teksteve jo koherente është kundër vullnetit të popullit, rendit demokratik dhe shkel Kushtetutën dhe ligjet e Kosovës. Ato nuk do të ratifikohen në Parlamentin tonë”, shkruan Kurti në Twitter.

We are not bound by the commitments of Kosova’s illegitimate PM when we return to office. His signature below incoherent and opaque texts is against the people’s will, democratic order & violates Kosova’s constitution & laws.

They will not be ratified in our Parliament.

— Albin Kurti (@albinkurti) September 8, 2020

“Ndërmjetësit duhet të përmbahen nga nxitja e marrëveshjeve që shkaktojnë përçarje të mëtejshme midis Kosovës dhe Serbisë. Vetëm dialogu parimor dhe i përgatitur mirë çon në marrëveshje të drejta dhe të qëndrueshme”, shton ish-kryeministri i Kosovës.

Për qëndrimin e shprehur nga Kurti ka reaguar i dërguari Special i Donald Trump për dialogun Kosovë-Serbi, Richard Grenell.

“Një gjë është e sigurt, që Albin Kurti del gjithmonë kundër SHBA. Ai ishte kundër ideve të Obamës dhe ideve të Bush. Simbolismi nuk paguan qiranë, vendet e punës po”, thotë Grenell.

One thing is for sure, you can always count on Albin Kurti to be against the United States.

He was against Obama’s ideas, and he was against Bush’s ideas.

Symbolism doesn’t pay the rent; jobs do. https://t.co/o3Gv4Vn3MP

— Richard Grenell (@RichardGrenell) September 8, 2020