Dy fitore për U-21, Bushi: Jemi bërë një ”Francë e vogël”

Dy fitoret e arritura në dy ndeshjet e fundit përballë Austrisë dhe Andorrës e kanë lënë mjaft të kënaqur trajnerin e kombëtares U-21, Alban bushi.

Megjithatë tekniku u mundua të largonte euforinë nga skuadra duke theksuar që fokusi i përfaqësueses U-21 vijon që të jenë furnizimi i ekipit kombëtar A me futbollistë por sigurisht pa lënë jashtë vëmendjes as rezultatet e ndeshjeve kualifikuese.

“Ne jemi ekip i vogël dhe nuk mund të krahasohemi me emra si Gjermania apo Spanja. Duhet t’i shohim ndeshjet 1 nga 1 siç i kemi parë dhe në fund të bëjmë llogaritë”, tha Bushi.

Për Bushin lajmi i mirë është që brezi i ri që po rritet është shumë cilësor dhe kemi qa shumë lojtarë sa mund të bëjmë pothuajse dy kombëtare.

“Jemi bërë një Francë e vogël që ka aq shumë lojtarë. Ne ku ta gjejmë që nga më të mirët të zgjedhim më të mirën”, shtoi trajneri.

Ndeshja e radhës për kombëtaren U-21 do jetë sërish për kualifikueset e evropianit 2021 përballë Kosovës.