Lajçak: 10 vjet pas vendimit të OKB-së, koha që të finalizohet dialogu Kosovë-Serbi

Përfaqësuesi Special i BE për dialogun Beograd-Prishtinë, Miroslav Lajçak thotë se pas 10 vitesh nga vendimi i Asamblesë së Përgjithshme të Organizatës së Kombeve të Bashkuara për të pranuar nisjen e ndërmjetësimit, ja ardhur koha për finalizimin e këtij procesi.

Në një reagim në “Twitter” Lajçak shkruan: “Sot shënohet 10 vjetori që prej ditës kur Asambleja e OKB-së mirëpriti gatishmërinë e BE-së për të lehtësuar procesin e dialogut mes Beogradit dhe Prishtinës. Tani është koha për ta çuar në fund këtë proces”.

Vendimi i OKB-së erdhi pasi në një opinion të Gjykatës Ndërkombëtare të Drejtësisë thuhej se, shpallja e pavarësisë nga Kosova ishte në përputhje me ligjin ndërkombëtar. Gjykata vendosi se, shpallja e pavarësisë më 17 shkurt 2008 nuk shkel asnjë ligj ndërkombëtar.

Today marks 10 years since #UNGA welcomed the readiness of the ?? to facilitate a process of dialogue between Belgrade and Pristina. It’s high-time to bring it to a successful end.

— Miroslav Lajčák (@MiroslavLajcak) September 9, 2020

Por, për shkak se Serbia e ka të përcaktuar në Kushtetutë si pjesë të saj Kosovën, BE dhe Serbia kanë kaluar një rezolutë në OKB për ndërmjetësimin e dialogut mes dy vendeve.

Deri tani pavarësinë e Kosovës e kanë njohur 98 nga 193 vende anëtare të OKB-së.

Lexoni gjithashtu:

AAK kërkon pjesëmarrje në dialogun e Brukselit, Avdullah Hoti i përgjigjet: Unë e përfaqësoj

Marrëveshja në Shtëpinë e Bardhë, Janjiç: S’është historike, bie ndesh me akordin e paqes së Oslos