Sllovenia për herë të parë me presidente grua

Presidentja e re e Sllovenisë do të jetë Nataša Pirc Musar, e cila mundi Anzhe Logar në raundin e dytë të zgjedhjeve presidenciale, njoftoi RTV Sllovenia.

Në bazë të 99 përqind të votave të numëruara, Pirc Musar fitoi 53,88 pëqind dhe kundërshtari i saj 46,12 përqind të votave.

Kjo do të thotë se Pirs Musar do të bëhet gruaja e parë në postin e Presidentit të Sllovenisë, pasi do të pasojë Borut Pahor në një mandat pesëvjeçar.

Sipas mediave sllovene, Logar ka deklaruar shkurt pas rezultateve të para se “Pirc Musar do të jetë një president i mirë”. Ai tha se fushata ishte e vështirë dhe përgëzoi kundërshtarin.

Pirc Musar në fjalimin e saj të parë premtoi se do të jetë presidentja e të gjithë qytetarëve.

“Faleminderit të gjithëve që votuan. Unë e përgëzoj Logarin, i uroj fat të mirë në të ardhmen. Në pesë muajt e fundit, ne kemi dëshmuar se është e mundur të komunikohet me respekt. Sllovenia ka nevojë për njerëz të tillë, ka nevojë për politikanë të tillë ”, ka thënë Pirc Musar, transmeton Gazeta Lubjana.

Ajo shtoi se “sllovenët e kanë thënë qartë se çfarë lloj slloveni duan”.

LEXONI GJITHASHTU:

Sllovenia emëron një të dërguar të posaçëm për Ballkanin

Sllovenia vendi i parë në Evropën Lindore që legalizon martesat e homoseksualëve