Spiropali: Brenda shtatorit mbyllim reformën zgjedhore

Elisa Spiropali, ministre e Shtetit për Marrëdhëniet me Parlamentin ka folur gjatë intervistës në ‘Ilva Now’ për kërkesën e opozitës për t’i kërkuar mendim OSBE/ODIHR për çështjen e koalicioneve parazgjedhore si dhe me denoncimin e nënkryetarit të PD-së, Edi Paloka për presion mbi administratën.

Spiropali tha se nuk ka asnjë formular që punonjësit e administratës plotësojnë dhe quajtur këtë akuzë një fantazi.

“Kjo është një fantazi, shpesh ajo që kanë bërë apo që duan të bënë na i veshin neve. Ka ikur koha kur mësuesit paguanin 5 mijë euro për t’u punësuar”, tha Spiropali.

Për kërkesën e opozitës që  mbi koalicionet parazgjedhore të japë mendim ODIHR, ministrja tha se, kjo është një çështje që shkon përtej funksinit të kësaj organizate.

“Marrëveshja e 5 qershor është respektuar pikë për pikë. Pretendojnë që ne pa e pasur draftin ta çojmë për opinion te ODIHR. ODIHR në të gjithë dokumentet reflekton mbi rekomandimet e veta  që a janë plotësuar apo jo. Nuk mund të japë mendim mbi sistemin zgjedhor. ODIHR nuk jep opinion për ndryshimet kushtetuese. Brenda shtatorit do të përmbyllet procesi i reformës zgjedhore”, tha znj. Spiropali.

Ajo shtoi se ndryshimet kushtetuese përcaktojnë se 2/3 listës së kandidatëve të jetë e hapur dhe kjo nuk ndalon koalicionet parazgjedhore por nga ana tjetër do të duhet të paraqiten e një listë kandidatësh.

Lidhur me deklaratën e Palokës se 80% e shqiptarëve duan largimin e Edi Ramës, Spiropali u përgjigj: Paloka këtë që tha të shkojë ta përkthehejë në terren me votë. Ti bindë shqiptarët që ata janë alternativa më e mirë. Por ata e dinë mirë duke qenë njerëz me përvojë politike, që nuk e kanë këtë shans.”

Lexoni gjithashtu:

Beteja zgjedhore, Elisa Spiropali bën llogaritë e PS: Kemi mundësi të fitojmë aq vota sa në 2017