Roma prezanton Marash Kumbullën, do të mbajë numrin 24

Mbrojtësi i kombëtares së Shqipërisë, Marash Kumbullua, u zyrtarizua të enjten si lojtar i Romës.

Njëzetvjeçari do të mbajë fanellën me numrin 24, ndërkohë që klubi i Romës kujtoi se ai, pas Naim Kryeziut, është shqiptari i dytë në histori që luan me ta. Sulmuesi gjakovar që luajti për verdhekuqtë në vitet 39-47 u dha atyre një kampionat dhe ky fakt u theksua qëllimisht nga klubi italian.

Kumbulla huazohet për dy vite me të drejtë blerje të shërbimeve të tij nga Verona, klub që nga ana tjetër përfiton 13.5 milionë euro dhe 3.5 milionë të tjera bonuse dhe shërbimet e Yldirim Mert Çetin, Matteo Cancellieri dhe Aboudramane Diaby të cilët huazohen po me të drejtë blerjeje.

Ditën e enjte me t’u kryer vizitat mjekësore dhe prezantimi, ai nisi fill stërvitjen me skuadrën.

? Kumbulla ?? #ASRoma ? pic.twitter.com/3bJ6FHokbI

— AS Roma (@OfficialASRoma) September 17, 2020

Kumbulla ka nënshkruar për 5 vite me Romën, ku do të përfitoje 1.5 milionë euro neto në sezon pa përfshirë këtu bonuset. Në fjalët e tij të para, Kumbulla u shpreh i lumtur për nisjen e aventurës së re, ndërkohë që shprehu hapur se nuk do ta harrojë Veronën. Nga ana tjetër klubi i kushtoi me disa postime në rrjetet sociale vlerësim djaloshit që me këtë skuadër luante prej rreth 5 vitesh që nga skuadrat zinxhire.

Da Pulcino a Mastino.
Da bambino a uomo.
Da promessa a campione.

In bocca al lupo Max, qui sarai ?????? uno di casa. ???#HVFC pic.twitter.com/jzpY7CoyAm

— Hellas Verona FC (@HellasVeronaFC) September 17, 2020

Mbrojtësi kuqezi spikati që në edicionin e tij të parë në Serie A. Për të shfaqën interesim dhe Inter, Juventus, apo Lazio, por Roma arriti që të fitonte garën me skuadrat e tjera.

Lexoni gjithashtu:

Vedat Muriqi mbërrin në Itali, gati të nisë përvojën e re me Lazion