‘Ianos’ godet Greqinë. Stuhia e fuqishme sjell reshje dhe erëra të forta

Një stuhi e rrallë, e njohur si Uragani Mesdhetar, goditi perëndimin e Greqisë ditën e premte, duke bërë që qielli të errësohet dhe duke shkaktuaar ndërprerje të energjisë elektrike në ishujt joniane të Qefalonisë, Zakintosit dhe Itakës.

Stuhia, e quajtur “Ianos”, që arriti në perëndim të gadishullit të Peloponezit rreth mesditës, u shfaq më i butë nga sa vlerësohej fillimisht nga meteorologët.

Sidoqoftë, ajo ka shkaktuar shira të dendura në zonën Amaliadha, në perëndim të Peloponezit, ku rrugët ishin të boshatisura, deti ishte gri dhe shkumëzues, ndërsa erërat e forta shkulën çadrat nga plazhi.

Autoritetet deklaruan se intensiteti dhe kursi i stuhisë mund të mos parashikohen dot me saktësi.

Dukuri të tilla natyrore u verifikuan për herë të parë në Greqi në vitin 1995 dhe janë bërë më të shpeshta në vitet e fundit.