Juventus e nis mbarë, Real Madrid ngec që në ndeshjen e parë

Juventusi i Andrea Pirlos bindi si një lojë ashtu edhe në rezultat dhe mori fitoren e parë në Serinë A. Për trajnerin e bardhezinjve ishte suksesi i parë në karrierën e tij në postin e ri.

Me fitoren 3-0 përballe Samdorias zonja e vjetër tregoi se ndryshimi i trajnerit në fundin e sezonit të shkuar nuk e ka dëmtuar aspak skuadrën, përkundrazi i ka bërë mirë sepse në fushën e lojës u pa një tjetër Juventus që tregoi grintë dhe agresivitet.

Një paraqitje mjaft e mirë për Kulusevsin që është një afrim i ri për bardhezinjtë. Sulmuesi e nisi aventunturën me kampionët e Italisë duke realizuar golin e parë të skuadrën në sezonin e ri.

Paraqitje e mirë edhe për Cristiano Ronaldon, i cili realizoi golin e tretë të ndeshjes.

Ndërkohë që Real Madrid bëri një hap fals në ndeshjen e parë të La Ligas për këtë sezon.

Los Blancos nuk shkuan më shumë se barazimi pa gola përballë Real Sociedad.  Pavarësisht se  skuadra e Zidane klikoi shumë raste nuk arriti të thyente rezistencën e kundërshtarëve.