Thaçi dekoron Grenell, “Medalje Presidenciale e Meritave” për kontribut në marrëveshjen e 4 shtatorit

Presidenti Hashim Thaçi ka dekoruar me “Medaljen Presidenciale të Meritave” të dërguarin special të Presidentit të SHBA-së për dialogun Kosovë-Serbi, ambasadorin Richard Grenell.

Thaçi tha se kjo medalje i dedikohet kontributit të jashtëzakonshëm të z. Grenell në dialogun ndërmjet Kosovës dhe Serbisë dhe arritjes se marrëveshjes se 4 shtatorit.

“Atë që të tjerët s’e bënë, Grenell e bëri shpejt, mirë dhe saktë”, tha Thaçi. Ne besojmë se SHBA përsëri mund të arrijnë edhe marrëveshjen finale politike në Shtëpinë e Bardhë ndërmjet Kosovës dhe Serbisë, theksoi Thaçi.

Ai shprehu një falënderim të veçantë për presidentin Donald Trump si faktor i paqes dhe stabilitetit, duke thënë se pret me padurim vizitën e tij në Kosovë.

Ceremonia e dekorimit të ambasadorit Grenell u bë në ndërtesën e Qeverisë, pas nënshkrimit të deklaratës së përbashkët të Republikës të Kosovës dhe SHBA-së. Ndërkohë që sot ambasadori Richard Grenell, do të qëndrojë në Beograd për të vijuar takimet, me krerët e shtetit atje, ku më pas delegacionet përkatëse do të nënshkruajnë edhe deklaratën e përbashkët, konkretizim i marrëveshjes së 4 shtatorit mes Beogradit dhe Prishtinës.

Lexoni gjithashtu:

“Nuk kemi fjalë boshe”, delegacioni i SHBA-së premtoi investime të mëdha në Kosovë