Një viktimë dhe 62 raste të reja me Covid-19 në Kosovë

Prej ditësh situata e pandemisë së Covid-19 në Kosovë paraqitet e qëndrueshme. Ministria e Shëndetësisë bën të ditur se në 24 orët e fundit janë kryer 528 teste të dyshuara, ndërsa 62 prej tyre kanë rezultuar pozitivë dhe një pacient ka humbur jetën.

Listës së të shëruarve në orët e fundit i janë shtuar 85 pacientë të rinj, duke e çuar totalin e të shëruarave në 12.900, që nga fillimi i pandemisë. Deri tani në të gjithë Kosovën kanë humbur jetën 616 qytetarë.

Rastet pozitive në Kosovë:

Komuna Prishtinë 17 raste, komuna Prizren 14 raste, komuna Gjilan 8 raste, komuna Pejë 8 raste, komuna Vushtrri 6 raste, komuna Drenas 2 raste, komuna Suharekë 2 raste, komuna Viti 2 raste dhe me nga një rast komunat Fushë Kosovë, Junik dhe Malishevë.