Alarm për bombë në avion, piloti bën ulje emergjente në Pragë

Një nga avionët e kompanisë ajrore ‘Easy Jet’ i cili po udhëtonte drejt Britanisë është ulur  në Pragë pas një alarmi për një‘bombë në bord.

Avioni po fluturonte nga Kraków në Poloni për në Bristol të dielën, kur piloti u detyrua të ndryshonte drejtimin e rrugës drejt kryeqytetit çek. 

“U raportua për një bombë të mundshme në bordin e një avioni. Të gjitha veprimet për të garantuar sigurinë e pasagjerëve dhe të gjithë trafikut ajror aktualisht po kryhen nga policia e Republikës Çeke”, njoftoi kompania ajrore në një postim në Twitter.

Policia çeke tha se ekspertët e saj të eksplozivëve ishin në vendngjarje dhe po hetonin pajisjen e raportuar.  Nga kontrollet rezultoi se nuk kishte asnjë lëndë plasëse në avion.

LEXONI GJITHASHTU:

• Ish-presidenti i Francës, Sarkozy apelon dënimin për korrupsion
• Samiti në Tiranë, BE: Së bashku do të forcojmë partneritetin tonë strategjik