Bruno Telushi largohet nga skuadra e Kukësit

Përfundon pa nisur mirë aventura e Bruno Telushit te Kukësi. Mesfushori u largua nga verilindorët vetëm 2 muaj pas transferimit të tij për t’u zhvendosur te skuadra e Neftchi Baku.

Lajmim e bëri të ditur vetë klubi Kukësit nëpërmjet një postimi në faqen zyrtare. Në njoftimin e shpërndarë për mediat thuhet se lojtari kishte të drejtë të largohej në rast se atij i vinte një ofertë më e mirë.

Bruno Telushi ka qenë pjesë e Partizanit për disa vite deri sa vendosi që këtë verë të bëhej pjesë e skuadrës së Kukësit. Me verilindorët, ai u aktivizua në ndeshjet e kupave të Evropës ndërkohë që akoma nuk kishte bërë debutimin e tij në Kategorinë Superiore.