FOTO| Rama prezanton Qendrën e re Turistike të Valbonës: Shkundëm pluhurin e harresës

Kryeministri Edi Rama ka publikuar në faqen e vet në Facebook pamje nga Qendrën e Re Turistike të Valbonës, pjesë e programit të qendrave mikpritëse të Fondit Shqiptar të Zhvillimit.

Qendra, siç shprehet kreu i qeverisë, do të hapë dyert për të pritur turistët që të shijojnë mrekullitë e natyrës së Tropojës.

“Me Qendrën e Re Turistike të Valbonës, pjesë e programit të qendrave mikpritëse të Fondit Shqiptar të Zhvillimit, e cila ka hapur dyert për turistët që të shijojnë mrekullitë e Tropojës së bukur, ku në këto 7 vjet kemi shkundur pluhurin e harresës së turpshme të atyre që Tropojën e kanë shfrytëzuar veç për vota e luftëra absurde politike, ju uroj një të diel të qetë”, shkruan z. Rama në Facebook.