Ndërtimi pa leje në Dhërmi, IKMT kallëzon IMT Himarë, komisariatin dhe IKMT Vlorë

Inspektorati Kombëtar i Mbrojtjes së Territorit ka kallëzuar sot penalisht, në Prokurorinë e Rrethit Gjyqësor Vlorë, zyrtarët e Inspektoratit të Mbrojtjes së Territorit në Bashkinë e Himarës, Komisariatit të Policisë pranë kësaj bashkie, si dhe zyrtarët e Drejtorisë Rajonale Vlorë të IKMT.

Objekti i kallëzimit është “shpërdorim detyre”. Sipas kallëzimit, zyrtarët akuzohen për mos-ushtrim të kontrollit në territorin që administrojnë.

Më konkretisht, bëhet fjalë për objektin që inspektorët e IKMT prishën dje me shpërthim të kontrolluar në Gjilekë, Dhërmi, ndërkohë që nga institucionet përgjegjëse vendore nuk është bërë asnjë sinjalizim për këtë ndërtim pa leje.

LEXONI GJITHASHTU:

• VIDEO| Shembet me shpërthim të kontrolluar objekti 5-katësh në Dhërmi
• Pallati në Vlorë rrezikon të shembet, banorët: Është ndërhyrë në strukturë