Protesta në Peru, gjendje jashtëzakonshme në të gjithë vendin 

Presidentja e re e Perusë, Dina Boluarte, ka njoftuar sot se mund të shpallet gjendja e jashtëzakonshme në të gjithë territorin e vendit për shkak të protestave që përfshinë vendin pas shkarkimit të presidentit Pedro Castillo.

Siç njoftoi ajo, do të organizohet një takim në nivelin më të lartë për të “vlerësuar mundësinë e shpalljes së gjendjes së jashtëzakonshme në të gjithë vendin” dhe shtoi se shpreson që të mos arrihet deri këtu, transmeton TASS.

Ish-presidenti Pedro Castillo më herët i kishte bërë thirrje policisë dhe ushtrisë që të ndalonin shtypjen e dhunshme ndaj protestuesve dhe fajësoi Dina Boluarte për vdekjen e protestuesve.