Trajnerët me më shumë fitore në Kupën e Botës

Federata e Historisë dhe Statistikave të Futbollit ka publikuar sot listën e trajnerëve me më shumë fitore në një Kupë të Botës.

Didier Deschamps, i cili e udhëhoqi Francën drejt finales së Botërorit aktual në Katar, e zë vendin e dytë në këtë listë, dhe kështu do të mbetet edhe nëse e fiton finalen e së dielës kundër Argjentinës.

Fitorja kundër Marokut ishte e 14-ta në një Kupë të Botës për Deschamps, fitore kjo e cila e barazoi me Luiz Felipe Scolarin në vendin e dytë në listën historike, shkruan KosovaPress.

Ndërkaq, vendin e parë e ka rekordi i Helmut Schon, i cili kishte regjistruar plot 16 fitore gjatë Botëroreve ku kishte marrë pjesë me Gjermaninë.

Lista:

1.Helmut Schon (Gjermani) – 16 fitore

2.Didier Deschamps (Francë) – 14 fitore

3.Luiz Felipe Scolari (Brazil, Portugali) – 14 fitore

4.Mario Zagallo (Brazil) – 13 fitore

5.Joachim Low (Gjermani) – 12 fitore

6.Oscar Tabarez (Uruguai) – 10 fitore

7.Carlos Alberto Parreira (Brazil, Afrika e Jugut) – 10 fitore