Çfarë do të thotë raketa patriot për Ukrainën

Thashethemet kanë qarkulluar këto javët e fundit se Ukraina do të marrë sisteme të avancuara raketore mbrojtëse të ndërtuara nga SHBA-ja, Patriot, në përpjekje për të kundërshtuar sulmet ruse me raketa dhe dron.

Që nga fillimi i luftës në shkurt, shumë mbrojtje ajrore perëndimore janë dërguar, nga raketat portative Stinger të lëshuara nga shpatulla, deri te një raketë e avancuar që kërkon nxehtësi tokë-ajër. Të gjitha ofrojnë një nivel gjithëpërfshirës mbrojtjeje kundër kërcënimeve të ndryshme.

Patriotët janë një tjetër hap në të njëjtën rrugë, dhe një hap që do të antagonizojë Moskën. Ato janë jashtëzakonisht të afta, efektive dhe të shtrenjta. Një raketë Patriot kushton rreth 3 milionë dollarë, tre herë më shumë se kostoja e një rakete në një NASAMS (National Advanced Surface-Air Missile System).

Patriotët u përdorën kundër raketave Scud të prodhuar nga Iraku gjatë Luftës së Parë të Gjirit dhe janë zhvilluar vazhdimisht që nga ajo kohë nga Raytheon Technologies. Ato vijnë në bateri që përfshijnë një qendër komandimi, një stacion radar për të zbuluar kërcënimet në hyrje, dhe lëshues.

Gama për të arritur objektivin thuhet se varion nga 40 km në 160 km, në varësi të llojit të raketës së përdorur. Ato janw përgjithësisht të dizajnuara për të mbrojtur zona të veçanta si qytetet ose infrastrukturat e rëndësishme, me fjalë të tjera asete me vlerë të lartë.

Asnjë trupë e SHBA-së apo e NATO-s nuk mund t’i operojë këto sisteme brenda Ukrainës, kështu që si armët e tjera perëndimore, forcat ukrainase do të duhet të trajnohen për t’i përdorur ato, dhe ky trajnim duhet të bëhet jashtë vendit të tyre. Nëse një dislokim i tillë ndodh së shpejti, një trajnim i tillë ka të ngjarë të jetë duke u zhvilluar.

Sot Moska e quajti çdo plan për të vendosur Patriotët “një provokim” dhe një zgjerim të mëtejshëm të përfshirjes ushtarake të Shteteve të Bashkuara në Ukrainë.

LEXONI GJITHASHTU:

• OKB: 441 ukrainas janë vrarë në 41 ditët e para të luftës
• Çmimi ‘Sakharov’ për ukrainasit, PE vlerëson rezistencën ndaj pushtuesve rusë