Musk tërhiqet pas kritikave, kthen llogaritë e pezulluara në gazetarëve në Twitter

Pronari i Twitter, Elon Musk, ka riaktivizuar llogaritë e disa gazetarëve të cilët u pezulluan për një ditë për shkak të publikimit të diskutueshëm të të dhënave për lëvizjen e avionit të tij privat.

Llogaritë u rivendosën pasi pezullimet e tyre të paprecedentë sollën kritika të ashpra nga zyrtarët, shoqatat e avokatëve dhe organizatat e gazetarëve në mbarë botën të premten, me disa që thanë se platforma sociale kërcënonte lirinë e medias, raporton Reuters.

Një sondazh në Twitter i kryer më vonë nga Musk zbuloi gjithashtu se shumica e të anketuarve donin që llogaritë e gazetarëve të riktheheshin menjëherë.

Llogaritë e pezulluara, duke përfshirë ato të gazetarëve nga New York Times, CNN dhe Washington Post, janë riaktivizuar.

Zyrtarë nga Franca, Gjermania, Britania dhe Bashkimi Evropian kanë dënuar më parë pezullimet.

LEXONI GJITHASHTU:

• BE paralajmëron Musk për mbylljen e llogarive të gazetarëve në Twitter
• Twitter pezullon llogaritë e disa gazetarëve që kritikuan Musk