Inspektorati i Drejtësisë: Të shkarkohet gjyqtari Markelian Kuqo, firmosi lirimin e një të burgosuri përjetë

Këshilli i Lartë Gjyqësor (KLGJ) pritet të vendosë më 14 tetor nëse do të pranojë kërkesën e Inspektoratit të Lartë të Drejtësisë (ILD), për të shkarkuar gjyqtarin e Gjykatës së Korçës Markelian Kuqo.

Sipas Inspektoratit, Kuqo firmosi lirimin me kusht të Gert Gjinerarit, i dënuar me burg për jetë për vrasjen e Arben Grorit. Inspektorati thotë se me këtë veprim gjyqtari ka cenuar imazhin e sistemit gjyqësor dhe besimit të publikut. Por sipas gjyqtarit, ILD nuk i ka dërguar shkresë zyrtare dhe nuk ka asnjë argument për shkarkimin e tij.

Pas kësaj KLGJ vendosi ta shtyjë vendimin më datë 14 tetor.

Emri i gjyqtarit Kuqo u përmend nga ILD në raportin vjetor të publikuar pak muaj më parë.

Në këtë raport, që përmblidhte punën gjashtë-mujore të Inspektoratit, thuhej se ishin depozituar rreth 1340 ankesa kundër gjyqtarëve dhe prokurorëve.

Lexoni gjithashtu:

1339 ankesa në 6 muaj në Inspektorin e Lartë të Drejtësisë