Përballja me krizën energjetike, evropianët nisin kursimin

E mbërthyer nga kriza energjetike, Evropa ka filluar të kursejë. Në shumë vende po merren masa për të reduktuar konsumin, si për shembull në Belgjikë, ku ky person është pjesë e një eksperimenti për të parë nëse njerëzit mund të jetojnë pa ngrohje elektrike.

 “Bëhet fjalë për çështje zakoni, sa psikologjike dhe mendore. Kjo do të thotë se mund të përdorim gjëra të tjera që nuk kishim menduar kurrë. Por duhet të ecim gradualisht, secili me hapin e tij, pasi nuk ka një recetë universale,” – tha Grégoire Wallenborn, pjesëmarrës i eksperimentit ‘Slow Heat’.

Në vende të tjera, metodat janë më tradicionale. Në këtë qytet në qendër të Francës, autoritetet po u shpërndajnë jorganë njerëzve që u është dashur të reduktojnë përdorimin e energjisë.

 “Fatkeqësisht jam në pension dhe nuk kam shumë para. Jorgani më ndihmon, sidomos në orët e natës, pasi është shumë ftohtë,” – tha një qytetar.

Në Finlandë, shtrimi i një piste patinazhi në errësirë tregon një histori tjetër sa i takon kursimit.

Ky ekip hokeji në qytetin Olu, në jug të rrethit Arktik, është detyruar të stërvitet në ambiente të jashtme. Nëpër Evropë, njerëzit po i përshtaten krizës së energjisë; se sa efikase do të jenë masat e tyre, kjo do të merret vesh në fund të dimrit.