Gjykata jep masën “arrest shtëpie” për Vasil Bollanon

Gjykata e Vlorës ka dhënë masën e sigurisë “arrest shtëpie” për Vasil Bollanon, ish-kreun e Bashkisë së Himarës.

Bollano disa ditë më parë aksidentoi për vdekje një 17-vjeçar. Ish-kreu i Bashkisë Himarë vuan nga leucemia e diabeti.

Edhe më parë, ai ka pasur probleme në zemër të cilat i janë kthyer në kritike pas aksidentit.

Aksidenti:

Ngjarja e rëndë ndodhi dy ditë më parë rreth orës 17:00, teksa Bollano duke drejtuar automjetin në aksin rrugor Orikum-Llogara, në afërsi të fushës së sportit, aksidentoi të miturin, banues në Dukat, i cili lëvizte në këmbë.

Si pasojë e dëmtimeve të marra. 17-vjeçari ndërroi jetë në Spitalin e Traumës në Tiranë.

LEXONI GJITHASHTU:

• Shkarkohet nga detyra drejtori i SHISH Helidon Bendo
• Emigrantët festojnë në atdhe, rritet numri i hyrjeve drejt Shqipërisë
• Shkatërrohet memoriali i Mit’hat Frashërit në Tiranë