Kaos me Juve-Napoli, federata italiane nuk miraton kërkesën për shtyrje të sfidës

Ndeshja mes Juventusit dhe Napolit është kthyer në një problematikë të madhe në Itali. Takimi i programuar për t’u zhvilluar të dielën në orën 20:45 me shumë gjasa nuk do të luhet, pasi skuadra e Napolit nuk ka udhëtuar drejt Torinos.

 Napoli bëri një kërkesë federatës për të shtyrë ndeshjen, pasi dy lojtarë rezultuan me Covid dhe skuadra është në karantinë, por federata ka vendosur që të mos e pranojnë kërkesa, pasi është në kundërshtim me protokollin.

Një situatë mjaft e vështirë edhe për autoritet e shëndetësisë, që sipas ligës nuk kanë marrë një vendim për këtë ndeshje. Mesditën e së dielës, ministri italian i Shëndetësisë, Roberto Speranza deklaroi se ndeshja nuk do të zhvillohet, por mungesa e një vendimi zyrtar mund t’i kushtojë Napolit humbjen e ndeshjes në tavolinë.