Parashikimi i motit, kthjellimet priten në fundjavë

Meteorologu i Meteoalb, Hakil Osmani tha për Euronews Albania tregoi se edhe në vazhdim temperaturat në vendin tonë do të jenë relativisht të larta.

Ai sqaroi se nesër pritet të kemi një rënie të temperaturave nga 2- 3 gradë dhe kështu do të vazhdojë derisa vlerat maksimale të zbresin deri në 24 gradë ndërsa ato minimale në zonat  malore do të shkojnë deri në 6- 7 gradë, deri në fundjave.

Sa i përket kushteve atmosferike Hakil Osmani tregoi se përmirësimi i motit do të vijë pas mesditës së ditës së enjte, ndërkaq nga e hëna deri të mërkurën do të ketë reshje shiu të herëpashershme, kryesisht në zonat malore dhe ato qendrore.

Po i njëjti raportim erdhi dhe për Kosovën ku reshjet do të jenë kryesisht në zonat veriperëndimore dhe Maqedoninë e Veriut ku reshjet më të shumta do të jenë në zonën perëndimore pra në kufi me Shqipërinë.

Kthjellimet priten nga fundjava dhe deri atëherë vranësirat do të jenë kalimtare.