‘Krishti u lind’, gjatë meshës Papa dënoi urinë njerëzore për pasuri e pushtet

Papa Françesku ishte mes 7000 besimtarëve që kremtuan të shtunën në mbrëmje  meshën e Krishtlindjes në Bazilikën e Shën Pjetrit.

GJatë meshës Ati i Shenjtë dënoi “urinë njerëzore për pasuri dhe pushtet”, duke iu referuar me sa duket luftës në Ukrainë dhe konflikteve të tjera.  Papa Françesku, 86 vjeç, hyri në kishë në një karrige me rrota dhe  qëndroi  ulur pranë altarit.

Sot , Papa do të japë bekimin e  Krishtlindjes Urbi e Torbi  përpara besimtarëve  nga e gjithë bota që mblidhen  në Sheshin e Shën Pjetrit.

Ceremonia tradicionalet e lindjes së Krishtit u zhvillua me madhështi edhe në Kishën ku lindi Jezusi në Betlehem.

Si çdo vit qyteti mirëpret me mijëra pelegrinë që Krishtlindjen duan ta festojnë në tokën e bekuar.

Një pemë e madhe e Krishtlindjes me një yll në krye zbukuron sheshin përpara Kishës së Lindjes së Krishtit në Betlehem, tani një qytet i vogël në Bregun Perëndimor. Dhe me rikthimin e turistëve edhe eventet e organizuara në Betlehem ishin të shumta.

LEXONI GJITHASHTU: 

• Dëshira e Santa Klaus, babagjyshi u nis me slitë nga Lapland: Bota të qetësohet
• Të paktën 7 të vdekur pas bombardimeve në Kherson në prag të Krishtlindjeve
• Si urojnë Krishtlindjet Rama dhe Berisha? Ndoka zbulon mesazhet