“Ndihem shumë mirë”, Trump njofton daljen nga spitali pasditen e sotme

Presidenti i Shteteve të Bashkuara tha se “ndihet shumë mirë” dhe se do të lerë spitalin ku po trajtohej për COVID-19 sot në mesditë.

“Do të lej Qendrën Mjekësorë Walter Reed sot në orën 6:30”, njoftoi presidenti amerikan në Twitter.

“Ndihem shumë mirë”, ka shtuar ai, “Ndihem më mirë seç jam ndjerë 20 vite më parë!” 

I will be leaving the great Walter Reed Medical Center today at 6:30 P.M. Feeling really good! Don’t be afraid of Covid. Don’t let it dominate your life. We have developed, under the Trump Administration, some really great drugs & knowledge. I feel better than I did 20 years ago!

— Donald J. Trump (@realDonaldTrump) October 5, 2020

Trump u dërgua në një spital ushtarak të premten në mbrëmje, disa orë pasi Shtëpia e Bardhë njoftoi se bashkëshortja e tij, Melania Trump, kishte rezultuar pozitive për COVID-19.

Gjatë qëndrimit në spital, Trump është mjekuar me ilaçin eksperimental Remdesivir dhe Deksametazon  – një lloj steroidi që është përdorur për të kuruar rastet e rënda me COVID-19.

Ekipi mjekësor gjithashtu informoi se niveli i oksigjenit në gjak i presidentit kishte rënë dy herë në mënyrë të papritur.

Përpara lirimit nga spitali, Trump iu tha amerikanëve: Mos kini frikë nga Covid. Mos e lejoni të mbizotërojë jetën tuaj”.  

“Kemi krijuar, nën administratën Trump, disa ilaçe dhe njohuri shumë të mira”, shtoi Trump.

Shtetet e Bashkuara kanë paguar çmimin më të shtrenjtë nga pandemia, me mbi 7.4 milionë raste dhe 209.938 viktima, sipas përllogaritjeve të Universitetit John Hopkins.

Lexoni gjithashtu: 

Kritikohet ‘shëtitja’ e Trump, ekspertët: Presidenti vuri në rrezik jetën e personave të tjerë

Trump surprizon mbështetësit, presidenti largohet për pak minuta nga spitali

Trump video-mesazh nga spitali: Ditët në vijim testi i vërtetë, do të kthehem së shpejti