Kurti replikon me Thaçin: Ata që merren me Vulin që të mos merren me Vuçiç, bëjnë edhe dëm përveçse e kanë gabim

Kryetari i Lëvizjes Vetëvendosje Albin Kurti është përfshirë në debatin e fundit në lidhje me fyerjet që viktimave shqiptare të luftës po u bëhen nga personalitete me detyra shtetërore në Serbi.

Përmes një postimi në Facebook, Kurti shprehet se ‘ata që merren me Vulinin që të mos merren me Vuçiçin, teksa fajësojnë vetëm Slobodanin, bëjnë edhe dëm përveçse e kanë gabim’.

Kreu i VV i referohet një deklarate të presidentit të Kosovës, Hashim Thaçi i cili theksonte se deklaratat fyese të Daçiç dhe Vulin për viktimat civile të luftës, të vrarë nga regjimi i Millosheviçit, janë provë se Serbia ende nuk i ka ndryshuar politikat e saj fashiste, dhe se veprime të tilla dëmtojnë dialogun dhe minojnë përpjekjet tona të përbashkëta për pajtimin.

“20 vjet më vonë, sot në Serbinë ‘demokratike’ ka shumë më pak opozitë sesa kurdoherë në dekadën e diktaturës së Milosheviçit. Ata që merren me Vulinin që të mos merren me Vuçiqin, teksa fajësojnë vetëm Slobodanin, bëjnë edhe dëm përveçqë e kanë gabim”, shkruan mes të tjerash z. Kurti.

Lexoni gjithashtu:

Komisioni Evropian i tërheq vëmendjen Serbisë për deklaratat e ditëve të fundit

Rama komenton deklaratën e Vulin: Gojështhurur! Kriminelët janë në Beograd, në Prishtinë janë çlirimtarët