Optimizëm te Kombëtarja, Kumbulla dhe Uzuni: Do të futemi në fushë për të fituar

Pas transferimit tek Roma, Marash Kumbulla duket më se i motivuar për ndeshjet e kombëtares. Shanset që mbrojtësi të luaj titullar në këto dy ndeshje janë të mëdha edhe pse sipas tij nuk ka rëndësi kush e nis nga fillimi, rëndësi ka që skuadra të fitojë.

“Unë nuk e di a do jem titullar pas këtë gjë e vendos trajneri. Shpresoj të luaj dhe ndihmoj ekipin për të fituar dhe rëndësi ka që skuadra të fitojë”, u shpreh Kumbulla.

Edhe Myrto Uzuni vjen pas një paraqitje mjaft të mirë me skuadrën e tij Ferencváros ku arriti kualifikimin në grupet e Champions League. Futbollisti synon të bëjë të njëjtën paraqitje edhe me ekipin kombëtar.

“Të vish në kombëtare tregon motivim për çdo futbollist sigurisht që golat më motivojnë akoma më shumë për të ecur përpara”, tha Uzuni.

Trajneri Reja ka lënë jashtë skuadrës disa nga senatoret e skuadrës por kjo nuk i tremb aspak lojtarët e rinj që më sa duket janë gati për marrin përgjegjësitë e tyre në kombëtare.

Përfaqësuesja vijon përgatitjet për ndeshjet e Nations League përballë Kazakistanit dhe Lituanisë që do të luhen në datat 11 dhe 14 tetor