Ronaldo për vdekjen e Pele: Ishe frymëzim për mln njerëz, nuk do harrohesh kurrë

Legjenda e futbollit Pele ka ndërruar jetë sot në moshën 82 vjeçare pas një sëmundje të rëndë.

Në lidhje me vdekjen e tij ka reaguar edhe Cristiano Ronaldo, i cili ka shprehur ngushëllimet e tij për familjen e ti,  për të gjithë Brazilin dhe komunitetin e futbollit.

Në një postim që ka bërë në rrjetet sociale, ai thotë se Pele nuk do të harrohet kurrë dhe kujtimi i tij do të jetojë përgjithmonë në secilin prej nesh adhuruesve të futbollit

“Ngushëllimet e mia të thella për të gjithë Brazilin, dhe në veçanti për familjen e Edson Arantes do Nascimento. Një “lamtumirë” e thjeshtë për Mbretin e përjetshëm Pelé nuk do të mjaftojë kurrë për të shprehur dhimbjen që e gjithë bota e futbollit po përqafon aktualisht. Një frymëzim për kaq shumë miliona, një referencë dje, sot dhe përgjithmonë. Dashuria që më tregove përherë ishte e ndërsjellë në çdo moment që ndamë edhe nga distanca. Ai nuk do të harrohet kurrë dhe kujtimi i tij do të jetojë përgjithmonë në secilin prej nesh adhuruesve të futbollit. U prefsh ne paqe Mbreti Pelé”, ka shkruar Ronaldo në rrjetin social.

LEXONI GJITHASHTU: 

• Meta: Pele nuk vdes kurrë sepse ky është fat i Legjendave
• Ndahet nga jeta legjenda braziliane e futbollit, Pele