Ministrja Haradinaj-Stublla pret homologun grek Dendias: Vizita e tij ngjarje e veçantë për Kosovën

Ministrja e Jashtme e Kosovës, Meliza Haradinaj-Stublla, priti paraditen e së premtes homologun e saj grek Nikos Dendias në aeroportin e Prishtinës.

Ajo e konsideroi vizitën e tij “ngjarje të veçantë për Kosovën” pasi “Greqia ka vënë standard të lartë të konstruktivitetit politik”.

“Sot pata kënaqësinë të pres ministrin Dendias, për të diskutuar më vonë gjithë gamën e bashkëpunimit tonv bilateral dhe për të shkëmbyer idetë tona se si t’i thellojmë më tej marrëdhëniet tona në fushat e interesit të ndërsjellë. Me Greqinë na lidh edhe miqësia e përbashkët me SHBA-në, dhe është element i jashtëzakonshëm në ndërtimin dhe konsolidimin e themeleve të forta të marrëdhënieve tona.

Vizita e ministrit grek në Prishtinë merr rëndësi të veçantë pasi Greqia është ndër pesë vendet anëtare të Bashkimit Evropian që ende nuk e ka njohur pavarësinë e Kosovës. Më parë Prishtinën e kanë vizituar ministrat e Jashtëm Nikos Kotzias dhe Theodora Bakoyannis.

Vizita e Dendias ndodh pas një seri vizitash të larta mes udhëheqësve shqiptarë në Turqi.

Lexoni gjithashtu:

Dendias viziton Prishtinën, Greqia ndër pesë vendet anëtare të BE-së që nuk njeh pavarësinë e Kosovës