Kartat e identitetit në shkolla, Nriçim Mehmeti: Gjithçka po bëhet për qëllime elektorale

Në një intervistë për Euronews Albania, Ndriçim Mehmeti, pedagog dhe ekspert arsimi foli rreth mbledhjes së kartave të identitetit për zëvendësimin e librave të vjetër me të rinj duke i adresuar kësaj çështje dy problematika.

“Së pari na deklaruan që deri në klasë të shtatë librat janë falas. Tani pse blihen librat? Janë të papërdorshëm? Kur u konstatua që janë të papërdorshëm?”,- u shpreh Mehmeti.

Ai solli në vëmendje se përveç kësaj kërkesa për kartën e identitetit si mjet personal identifikimi nga Ministria e Arsimit nuk është e arsyeshme.

Ndriçim Mehmeti tha se kjo gjë është bërë dhe një herë tjetër në kohën kur Ministre Arsimi ishte znj. Nikolla dhe po bëhet përsëri vetëm për qëllime elektorale.

“Prindërit i kanë dorëzuar (kartat) për të keqen e vet”,- tha eksperti i arsimit teksa apeloi se prindërit duhet të refuzojnë t’i japin kartat.

Së fundmi Mehmeti theksoi se prokuroria duhet të hapë një hetim për rastin.

Pyetur se çfarë do të ndodhë nëse prokuroria nuk e hap hetimin ai lajmëroi se kjo gjë do të bëhet nga vetë ata ndërkohë që nënvizoi dhe faktin se Partia Demokratike po mbledh të gjitha rastet, duke vënë në dukje se rasti i Elbasanit nuk është i vetmi.

“Duam sa më shumë prova që t’i çojmë në mënyrë që të ketë lëndë prokuroria që nesër të mos thotë unë nuk kam element të veprës penale”,- përfundoi Mehmeti.

Lexoni gjithashtu: 

Kërkesa për kartat ID në shkolla, ministria e Arsimit përgënjeshtron akuzat e PD-së: Sipas procedurave për marrjen e librave

U mblodhën kartat e identitetit personelit, PD paralajmërojnë kallëzim penal për drejtuesit e spitalit të Peshkopisë