“Vrava 25 talebanë”/ Afganët kërkojnë dënimin e Prince Harryt

Afganët kanë bërë thirrje që Princi Harry të përballet me ndjekjen penale për vrasjen e 25 talebanëve gjatë kohës që ishte pjesë e ushtrisë së Mbretërisë së Bashkuar në Afganistan.

Mes personave që kërkuan gjykimin e Harryt ishte dhe Mullah Abdullah, i afërm i viktimave të vrarë gjatë sulmeve ajrore në vitin 2011.

Ai tha se humbi nëntë të afërm kur shtëpia e tij u godit nga një sulm ajror ndërsa ishte në treg në fshatin Yakhchal në rrethin Nahr-E-Saraj.

Ai i tha agjencisë së lajmeve AP nga varri i babait të tij të vdekur, i cili ishte në mesin e të vrarëve:

“Ne i kërkojmë komunitetit ndërkombëtar që ta gjykojë këtë person (Princ Harryn) dhe ne duhet të marrim kompensim për humbjet tona. Ne humbëm shtëpinë, jetën tonë dhe anëtarët e familjes, humbëm jetesën dhe gjithashtu njerëzit tanë të dashur”, tha Abdullah në një intervistë të dhënë për agjencinë e lajmeve AP nga varri i babai të tij të vdekur.

Ellwood, një mbështetës i lartë dhe kryetar i Komitetit të Mbrojtjes së Commons, tha se zbulimi i krimeve në kujtimet e Harry ishte “i pamenduar”.

Kujtojmë se në librin e tij të shumëpritur, “Spare”, Harry zbuloi se vrau 25 talebanë, duke shtuar se nuk i mendonte ata si “njerëz”, por si gure shahu që duhen hequr nga tabela.

LEXONI GJITHASHTU:

• “Nuk kam turp për këtë”, Princi Harry: Kam vrarë 25 njerëz në Afganistan
• Princi Harry pranon se ka marrë kokainë në moshën 17-vjeçare
• Tronditi Pallatin Mbretëror, sa para pritet të fitojë Princ Harry nga libri