Armenia dhe Azerbajxhani bien dakord për armëpushim të përkohshëm pas 12 ditë luftimesh të përgjakshme

Armenia dhe Azerbajxhani ranë dakord për një armëpushim të përkohshëm të premten, pas 12 ditësh luftimesh vdekjeprurëse mbi rajonin e diskutueshëm Nago-Karabak.

Armëpushimi u njoftua nga ministri i Jashtëm rus, Sergei Lavrov pak para mesnatës me kohën e Moskës, pas bisedimeve 11-orëshe midis dy vendeve në kryeqytetin rus.

Ndërprerja e përkohshme e luftimeve do të nisë të shtunën në mesditë me orën lokale për të lejuar shkëmbimin e të burgosurve dhe trupave të pajetë.

Lavrov tha gjithashtu se të dyja palët “do të fillojnë negociatat thelbësore me synimin për të arritur një zgjidhje paqësore sa më shpejt të jetë e mundur”.

Azerbajxhani dhe Armenia, të dy ish-shtete të Bashkimit Sovjetik, nisën një luftë të përgjakshme në fillim-vitet 1990 për shkak të rajonit malor Nagorno-Karabak.

Të dyja palët patën me mijëra të vdekur dhe me qindra mijëra njerëz të zhvendosur nga shtëpitë e tyre.

Në vitin 1994 u vendos një armëpushim që është shkelur herë pas here duke kaluar në dhunë sporadike.  

Dhuna midis dy ish-shteteve Sovjetike shpërtheu përsëri në 27 shtator teksa të dyja palët fajësojnë njëra-tjetrën për rindezjen e konfliktit, më i rëndi në dekada.

Të paktën 400 njerëz janë vrarë që nga luftimet dhe gjysma e popullsisë së rajonit, rreth 70.000 persona janë larguar nga vendi.

Lexoni gjithashtu:

Vazhdojnë përplasjet ushtarake Azerbajxhan-Armeni

Erdogan: Rajoni do të gjejë paqe kur Armenia të tërhiqet nga territoret e Azerbajxhanit

Situata në Nagorno-Karabakh, përplasje mes Turqisë dhe Francës