Dita e 15-të e grevës së urisë, naftëtarët të shqetësuar nga neglizhenca e autoriteteve

Naftëtarët e Ballshit kanë hyrë sot në ditën e 15-të grevës së urisë. Gjendja e tyre shëndetësore paraqitet e rënduar, teksa gjatë ditës së djeshme, 3 prej tyre janë dërguar me urgjencë drejt spitalit të Ballshit. Pasi kanë marrë ndihmën shëndetësore 3 naftëtarët janë rikthyer sërish në grevë.

Aktualisht në ambientet e ish-qendrës shëndetësore së rafinerisë, ku po zhvillohet greva, janë 10 naftëtarë që janë ngujuar.

Kreu i Sindikatës së Naftëtarëve, Sokol Dautaj tha për Euronews Albania ,se përveç gjendjes shëndetësore të rënduar, grevistët i shqetëson neglizhenca e autoriteteve.

Z. Dautaj tha se Këshilli Sindikal do të mbajë sot një mbledhje për të diskutuar mbi përshkallëzimin e protestës.

“Do mblidhen dhe kolegët që janë jashtë. Në mëngjes do mblidhemi aty merren vendimet e duhura. Ajo është pjesa që është në mbështetje të grevës së urisë dhe ata vendosin”, tha ai.

Naftëtarët e Ballshit nisën grevën e dytë të urisë më 28 shtator, por edhe pas 14 ditësh ata ende nuk kanë marrë një zgjidhje nga Qeveria.

Lexoni gjithashtu:

‘Puna e tyre tek ARMO ka përfunduar’, avokati Jordan Daci tregon ‘gurin’ e fundit që kanë në dorë naftëtarët

“Të hënën bllokojmë rrugën”, tjetër vendim ekstrem i naftëtarëve në ditën e 13-të të grevës së urisë