Sinjale pozitive nga Greqia, Avdullah Hoti bisedë telefonike me Kyriakos Mitsotakis

Kryeministri i Kosovës, Avdullah Hoti njofton se ka zhvilluar një bisedë telefonike me kryeministrin e Greqisë, Kyriakos Mitsotakis.

Ai shprehet se me homologun grek ka biseduar për një sërë tematikash, mes të cilave dialogun me Serbisë dhe procesin e liberalizmit të vizave për qytetarët e Kosovës.

“Sot zhvillova një bisedë telefonike me kryeministrin e Greqisë, Kyriakos Mitsotakis, me të cilin biseduam për zhvillimet politike në vend, thellimin e bashkëpunimit ndërmjet dy vendeve, kryesisht në fushën ekonomike, procesin e dialogut ndërmjet Kosovës dhe Serbisë, si dhe për procesin e liberalizimit të vizave, me ç’rast Kosova tash e sa kohë i ka të plotësuara të gjitha kushtet”, shkruan Goti.

Shefi i ekzekutivit thekson se mbështetja e Greqisë për rrugën euroatlantike të Kosovës është thelbësore.

“Roli mbështetës i Greqisë për Kosovën është tepër i rëndësishëm, ngaqë është vend anëtar i BE-së dhe NATO-s, organizata këto që Kosova aspiron të jetë pjesë e tyre”, thotë Hoti.

Ministri i Jashtëm i Greqisë, Nikos Dendias, vizitoi të premten Prishtinën, nga ku tha se vendi i tij mbështet fort rrugën euro-atlantike të Kosovës.

Lexoni gjithashtu: 

Ministri grek Dendias në Prishtinë: Të përkushtuar të ndihmojmë Kosovën në rrugëtimin euroatlantik

Ministrja Haradinaj-Stublla pret homologun grek Dendias: Vizita e tij ngjarje e veçantë për Kosovën