Këshilltari i Zelensky jep dorëheqjen pas komenteve për Dnipro

Këshilltari presidencial ukrainas Oleksiy Arestovych ka ofruar dorëheqjen e tij pasi deklaroi se një raketë ruse që goditi një ndërtesë në Dnipro, duke vrarë 44 persona, u qëllua nga Kievi.

Arestovych kërkoi falje dhe tha se kishte bërë një “gabim themelor”.

Deklarata shkaktoi zemërim të gjerë në vend dhe u përdor nga zyrtarët rusë për të fajësuar Ukrainën.

Presidenti i Ukrainës Volodymyr Zelensky nuk ka komentuar ende vendimin e Arestovych për të dhënë dorëheqjen.

Disa orë pasi sulmi raketor i së shtunës goditi një ndërtesë apartamentesh në Dnipro, Arestovych fillimisht tha se dukej se raketa ruse kishte rënë mbi ndërtesën pasi u rrëzua nga mbrojtja ajrore ukrainase.

Ukrainasit reaguan me zemërim ndaj komenteve tw para të Arestovych, me disa që e akuzuan atë për forcimin e pozitës së propaganduesve rusë. Disa deputetë ukrainas nënshkruan një peticion që kërkon që Arestovych të shkarkohet si zyrtar i qeverisë.

Ai më vonë postoi një letër duke kërkuar dorëheqjen e tij dhe tha se kishte bërë një “gabim thelbësor”.

“U kërkoj ndjesë të sinqertë viktimave dhe të afërmve të tyre, banorëve të Dnipros dhe të gjithë atyre që u lënduan thellësisht nga versioni im i gabuar i parakohshëm i arsyes së raketës ruse që goditi një ndërtesë banimi”, shkroi ai në një postim të gjatë në Telegram.

LEXONI GJITHASHTU:

• Dezerton ish-kreu i “Wagner”, denoncon krimet e luftës në Ukrainë
• Raketa ruse shkatërron një banesë 9-katëshe në Ukrainë, 9 viktima